• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تھرلر فلم’ ڈنکرک‘کا آتے ہی باکس آفس پرقبضہ

تازہ ترین
انٹرٹینمنٹ
24 جولائی ، 2017
Thriller Movie Dunkirk Grabs Top Positon At Box Office

ایکشن سے بھرپور دوسری جنگ عظیم کے گرد گھومتی تھرلر فلم ’ڈنکرک‘ آتے ہی باکس آفس پر چھاگئی۔فلم نےاب تک 5ارب 31کروڑ روپے کماکر ٹاپ پوزیشن حاصل کرلی ہے۔

کرسٹوفر نولن کی زیر ہدایت بننے والی فلم’ ڈنکرک‘ کی کہانی دوسری جنگ عظیم کے گرد گھوم رہی ہے جہاں جرمن فوج بیلجیم، برطانیہ اور فرانس کے فوجیوں کو گھیرلیتی ہے جس کے بعد انہیں ریسکیو کیا جاتا ہے۔

فلم میں اداکاری کے جوہر دکھانے والوں میں ٹام ہارڈی اور کینیتھ براناگھ شامل ہیں۔

چارسہیلیوں کے دلچسپ اور یادگار سفر پر مبنی نئی کامیڈی سے بھرپور ڈراما فلم ’ گرلز ٹرپ‘3 ارب19کروڑ روپے کما کر دوسرے نمبر پر آگئی۔

فلم کی کہانی چار سہیلیوں کے نیو اورلینز کے ایک ایسے دلچسپ اور یادگار سفر کے گرد گھوم رہی ہے جہاں وہ ا یک میوزک فیسٹیول میں شرکت کے لیے جاتی ہیں تاہم وہاں پیش آنیوالے انوکھے واقعات ان کے سفر کو کئی گنا دلچسپ بنا دیتے ہیں۔

اسائیڈر مین سیریز کی نئی فلم اسپائیڈر مین ہوم کمنگ اس ہفتے2 ارب31 کروڑ کما کر تیسرے نمبر پر آگئی۔جان واٹس کی ہدایتکاری میں بننے والی اس فلم میں اداکار ٹام ہالینڈ بحیثیت پیٹر پارکر اور اسپائیڈر مین کے مرکزی کردار میں جلوۂ گر ہیں۔

فلم کی کہانی پیٹر پارکر نامی ایسے لڑکے گِرد گھوم رہی ہے جو ایک سائنسی تجربے کے ذریعے غیرمعمولی صلاحیتوں کا مالک بن جاتا ہے۔

تازہ ترین