شہبازشریف سے گورنر اسٹیٹ بینک کی ملاقات

وزیراعلیٰ پنجاب شہبازشریف سے گورنر اسٹیٹ بینک طارق باجوہ نے ملاقات کی جس میں ملک کی معاشی صورتحال پر تبادلہ خیال کیا گیا۔

اس موقع پر وزیراعلیٰ پنجاب شہباز شریف کا کہنا تھا کہ وزیراعظم کی قیادت میں ملک میں معاشی سرگرمیاں تیز ہوئی ہیں اور رکاوٹوں کےباوجود ملکی معیشت مستحکم ہوئی ہے جب کہ عالمی ادارےبھی پاکستان میں مستحکم ہوتی معیشت کا اعتراف کر رہے ہیں۔

وزیراعلیٰ پنجاب نے کہا کہ معیشت کی مضبوطی کے لیے پالیسیوں کا تسلسل ضروری ہے۔