وزیر قانون پنجاب رانا ثناء اللہ کا کہنا ہے کہ لاہور کی سبزی منڈی میں دھماکے کے ذمہ دار لوگ وہی ہیں جو مختلف ناموں سے اپنی شناخت ظاہر کرکے دہشت گردی کرتے ہیں۔
لاہور دھماکے کے حوالے سے میڈیا سے گفتگو کرتے ہوئے انہوں نے مزید کہا کہ دھماکا خودکش ہے یا نصب بم کا ابھی اس کی نوعیت طے نہیں ہے، موجودہ حالات میں دہشت گردی کا خطرہ موجود ہے۔
رانا ثناء اللہ کا کہنا ہے کہ دہشت گردی کے خلاف ضرب عضب، نیشنل ایکشن پلان کے تحت پنجاب میں کام ہوا، ہم نے 100فیصد نہیں تو 89 فیصد کامیابی حاصل کی ہے ۔
انہوں نے یہ بھی کہا کہ سی ٹی ڈی، رینجرز، پولیس اور ایجنسیز نے بہت بہترین کام کیا ہے۔