امریکی ناول نگا رہیمنگ وے سے مشابہ افراد کا سالانہ اجتماع

25 جولائی ، 2017

فلوریڈا میں آنجہانی امریکی رائٹر ہیمنگ وے سے ملتی جُلتی شکل و صورت کے افراد کا سالانہ مقابلہ منعقد کیاگیاجس میں لوگوں نے بڑی تعداد میں شرکت کی۔

معرو ف امریکی ناول نگار، جرنلسٹ اورشارٹ اسٹوری رائٹر ارنیسٹ ہیمنگ وے کے دیوانوں نے37ویں سالانہ مقابلے میں شرکت کی اور ناول نگار سے مشابہت رکھنے کی خاصیت کی بنا پرکم و بیش160افراد مقابلے میں پہنچے۔

ان افراد نے نہ صرف ایک جیسے حلیے اپنا رکھے تھے بلکہ ان کے چہروں کے نقوش اور داڑھی بھی ایک جیسی تھی جو ارنیسٹ کی شکل و صورت اور حلیہ اپنانے کی کوشش تھی۔

آپس میں مشابہت رکھنے کے ساتھ ساتھ ان افراد کے حلیوں میں بھی فرق تلاش کرنا محال تھاجن میں ارنیسٹ سے سب سے زیادہ مماثلت رکھنے والے 71سالہ رچرڈ فلپ پہلے انعام کے حقدار قرار پائے۔