یوں تو بھیڑوں کے جسم سے اون اتارنا کوئی بچوں کا کھیل نہیں کیونکہ اس کام کیلئے خاص مہارت اور محنت درکار ہوتی ہے لیکن جب بات ہو عالمی ریکارڈ قائم کرنے کی تو سب کچھ ممکن ہوجاتا ہے۔
نیوزی لینڈ سے تعلق رکھنے والے ایک 30سالہ شخص نے بھی ایسا ہی کچھ کیا اور 8گھنٹوں میں 644بھیڑوں کے جسم سے اون اتار کر عالمی ریکارڈ قائم کردیا۔
رولینڈ اسمتھ نامی اس شخص نے یہ ریکارڈ 8گھنٹوں کی سخت محنت کے بعد برطانیہ میں قائم کیا جبکہ اس نے ایک بھیڑ کے جسم سے اون اتارنے کیلئے اوسطاً 45سیکنڈ کا وقت لیا۔
واضح رہے کہ رولینڈ کا بھائی بھی گذشتہ برس 9گھنٹوں میں سب سے زیادہ بھیڑوں سے اون اتار کر عالمی ریکارڈ قائم کرچکا ہے۔