تحریک انصاف کے ترجمان فواد چوہدری نے کہا ہے کہ ایس ای سی پی کے کا غذات حنیف عباسی کے ہاتھ کیسے آئے ؟چوری کے کاغذات بنانے پر ان پر الگ مقدمہ بنتا ہے،کم از کم 7سال جیل جانا پڑےگا۔
ایک بیان میں فواد چوہدری کا کہناتھاکہ نوازشریف یہاں وزیراعظم ہیں اور دبئی میں نوکری کررہے ہیں،خواجہ آصف افواج پاکستان کے سربراہ ہیں اور باہر چھوٹے سے ملازم ہیں ،احسن اقبال ملک میں سی پیک منصوبہ چلاتے ہیں اور مدینہ منورہ کی ایک کمپنی میں گارڈ ہیں۔
انہوں نے مزید کہا کہ یہ اورنگزیب کی کابینہ ہے ، وزرا ٹوپیاں بیج کر گزارا کررہے ہیں ، ہر کوئی چھوٹی موٹی نوکری کررہا ہے۔
فواد چوہدری نے کہا کہ پاناما کیس میں جلد فیصلہ آجانا چاہیے تاکہ احتساب کا عمل آگے بڑھایا جاسکے،ابھی ان وزراء کی جائیدادیں بھی دیکھنی ہیں۔