امریکی وزیر خارجہ نے مستعفی ہونے کی تردید کر دی

امریکا کے وزیرخارجہ ریکس ٹِلرسن نے ایسی خبروں کی تردید کی ہے کہ وہ وائٹ ہاس کے ساتھ اختلاف کی وجہ سے اپنے منصب سے مستعفی ہو رہے ہیں۔

انہوں نے قطر کے وزیر خارجہ شیخ محمد بن عبدالرحمن الثانی کو اپنے دفتر میں خوش آمدید کہنے کے موقع پر رپورٹرز کو بتایا کہ وہ کہیں نہیں جا رہے اور اپنے منصب پر براجمان ہیں۔

انہوں نے صدر ڈونلڈ ٹرمپ کے ساتھ اپنے تعلقات کو اچھا قرار دیتے ہوئے کہا کہ وہ وزارت خارجہ کا قلمدان اس وقت تک سنبھالیں رکھیں گے جب تک صدر چاہیں گے۔

امریکی ٹی وی چینل سی این این نے رواں ہفتے کے دوران ریکس ٹِلرسن اور صدر ڈونلڈ ٹرمپ کے درمیان اختلافات کی خبریں دی تھیں۔