چین کے دارالحکومت بیجنگ میں بیچ سڑک پر کئی فٹ چوڑا اور کئی فٹ گہرا گڑھا پڑ گیا جس نے ایک گاڑی کو نگل لیا۔
رپورٹ کے مطابق مصروف سڑک پر اچانک گہراگڑھا پڑ جانے سے ایک کار گڑھے میں جاگری جس کے باعث کارمیں موجود افرادمعمولی زخمی ہوئے جنہیں بروقت باہر نکال لیا گیا۔
جبکہ ریسکیو اہلکاروں کی جانب سے امدادی کارروائی کے بعد گاڑی کوبھی نکال لیا گیا ہے اورانتظامیہ کی جانب سے سڑک کو مرمتی کام مکمل ہونے تک ٹریفک کیلئے بند کردیا گیا ہے۔