قطر بحران کا جلد خاتمہ چاہتے ہیں،عرب ممالک

عرب ممالک کا کہنا ہے کہ قطر کے ساتھ بحران کو جلد از جلد ختم کرنا چاہتے ہیں تاہم قطر سے اسی صورت میں بات ہو گی جب قطر دہشت گردی کے خلاف جنگ کے لیے تیار ہو۔

بحرین میں منعقدہ سعودی عرب، متحدہ عرب امارات، مصر اور بحرین کے وزرائے خارجہ اجلاس کے بعد مشترکا بیان میں کہا گیا کہ قطردہشت گردوں کو محفوظ پناہ گاہیں دے رہا ہے۔

بیان کے مطابق ریاض معاہدوں سے انحراف کر کے قطر نے ہمیں اقدامات پر مجبور کیا۔

عرب ممالک کے وزرائے خارجہ نے مزید کہا کہ قطرکے خلاف اقدامات عالمی قوانین کے متوازی ہیں۔

بیان میں مطالبہ کیا گیاکہ قطر عرب ممالک کے دیے گئے 13 مطالبات پورے کرے۔