قطری طیاروں کو مخصوص روٹس استعمال کرنے کی اجازت

سعودی عرب سمیت چار عرب ممالک نے بین الاقوامی فضائی سروس کی سلامتی کے پیش نظر قطری مسافر بردار ہوائی جہازوں کو9 مخصوص فضائی روٹس استعمال کرنے کی اجازت دی ہے۔

عرب ٹی وی کے مطابق سعودی عرب کی جنرل سول ایوی ایشن اتھارٹی نے جاری کردہ ایک بیان میں کہا کہ متحدہ عرب امارات، بحرین مصر کے ساتھ مشاورت کے بعد قطری ہوائی جہازوں کو خلیجی ملکوں میں مخصوص نوروٹس اور فضائی گذرگاہوں کو استعمال کرنے کی اجازت دی ہے۔

اس سے قبل قطری فضائی سروس پر ان روٹس کے استعمال پرپابندی عائد تھی۔بیان میں کہا گیا ہے کہ قطری فضائی کمپنیوں کے مسافر بردار جہازوں کو مخصوص روٹس استعمال کرنے کی اجازت دینے کا مقصد بین الاقوامی فضائی سفر کو محفوظ بنانا ہے ۔

اس ضمن میں فضائی سفری حقوق کے بین الاقوامی ادارے ’ایکاؤ‘ کی سفارشات اور اس کے ساتھ طے پائے معاہدوں پر عمل درآمد کو یقینی بنانا ہے۔