پنجاب میں ینگ ڈاکٹرز کی ہڑتال جاری، مریض پریشان

لاہور کےسرکاری اسپتالوں میں ینگ ڈاکٹرز کی ہڑتال پانچویں دن بھی جاری ہے۔گزشتہ روز ہڑتالی ڈاکٹروں کے خلاف کارروائی کا آغاز کر دیا گیا تھا۔

پنجاب کےسرکاری اسپتالوں میں ینگ ڈاکٹرزکی ہڑتال جاری ہے، اسپتالوں میں او پی ڈیز بند ہونے کے باعث مریضوں کو شدید پریشانی کا سامنا ہے۔

ادھر ینگ ڈاکٹرزایسوسی ایشن کا کہنا ہے مطالبات کی منظوری تک ہڑتال جاری رہے گی۔

دوسری جانب محکمہ صحت کا پنجاب بھر میں کریک ڈاؤن بھی جاری ہے اور 39ینگ ڈاکٹرز کو ملازمت سے برطرف کرکے گھر بھیج دیا گیا۔