ترکی نے ایران سے متصل سرحد پر دیوار کی تعمیر شروع کردی

ترکی نے شام کے ساتھ سرحد پر باڑ کی تنصیب کے بعد ایران سے متصل سرحد پر دیوار کی تعمیر شروع کردی ۔

ترک خبر رساں ادارے کے مطابق حکام سرحد پر 2میٹر لمبی اور 3میٹر اونچی باڑ لگارہے ہیں۔ ترکی کا ایران کے ساتھ سرحد پر دیوار تعمیر کرنے کا مقصد کردش جنگجوئوں کی مداخلت اور سمگلروں کو روکنا ہے۔

یاد رہے کہ صدر رجب طیب اردوان نے جنوری میں اعلان کیا تھا کہ 911 کلومیٹر طویل شام کی سرحد پر بننے والی دیوار کی طرح ،عراق اور ایران سے متصل سرحد پر بھی دیوار تعمیر کی جائے گی۔