| |
Home Page
بدھ 24 ربیع الاوّل 1439ھ 13 دسمبر2017ء
August 12, 2017 | 11:46 pm

مصر: ٹرین تصادم، ہلاکتیں 49 ہوگئیں

Egypt 49 Killed In Train Collision

مصر کے شہر اسکندریہ میں 2ٹرینوں کے تصادم میں کے نتیجے میں ہلاک ہونے والوں کی تعداد 49 ہوگئی جبکہ 120افراد زخمی ہیں جن میں سے بیشتر کی حالت تشویشناک ہے، حکام نے ہلاکتوں میں اضافے کا خدشہ ظاہر کیا ہے۔

میڈیا رپورٹ کے مطابق مصر ی صدر عبدالفتح السیسی نے حادثے کے متاثرہ خاندانوں سے دکھ کا اظہار کرتے ہوئے واقعے کے ذمہ داروں کو کٹہرے میں لانے کے لیے تحقیقات کا حکم دیدیا۔

غیر ملکی میڈیا کے مطابق ہلاکتیں 49 ہوگئی ہے جبکہ اس سے قبل مصری وزارت صحت نے حادثے میں مرنے والوں کی تعداد 36 بتائی تھی، جس کے بعد مزید 13 زخمی افراد دم توڑ گئے۔

وزارت ٹرانسپورٹ کا کہنا ہے کہ حادثہ اس وقت پیش آیا جب ایک ریل فنی خرابی کےباعث کھڑی تھی کہ دوسری ریل روانی میں ٹکرا گئی، جس کے باعث خوفناک حادثہ رونما ہوا، اسکندریہ کے تمام اسپتالوں میں ایمرجنسی نافذ کردی گئی۔

رپورٹس کے مطابق لاشوں اور زخمیوں کو چادروں اور کمبلوں کے ذریعے ریلوے ٹریک سے باہر نکال کر قریبی کھیت میں رکھا گیا تھا۔