| |
Home Page
پیر 02 صفر المظفر 1439ھ 23 اکتوبر 2017ء
August 12, 2017 | 11:48 pm
بحریہ ٹاؤن کراچی کی پہلی مسجد کا افتتاح

Opening Of Jamia Mosque Bahria Town Karachi

Opening Of Jamia Mosque Bahria Town Karachi

بحریہ ٹاؤن کراچی کی پہلی مسجد کا افتتاح کر دیا گیا، مسجد کا افتتاح چیئرمین بحریہ ٹاؤن ملک ریاض حسین نے کیا۔

انہوں نے بحریہ ٹاؤن کو اصل پاکستان قرار دیتے ہوئے یوم آزادی سے شہر میں صفائی مہم کے آغاز کا اعلان بھی کیا۔

بحریہ ٹاؤن کراچی کے رہائشیوں کے لیے پہلی مسجد کا افتتاح کر دیا گیا ہے،ڈھائی ایکڑ کے رقبے پر مشتمل مسجد عاشق کی افتتاحی تقریب میں بحریہ ٹاؤن کے رہائشیوں، سول سوسائٹی سے تعلق رکھنے والوں اور بحریہ ٹاؤن انتظامیہ کے افراد نے بڑی تعداد میں شرکت کی۔

مسجد عاشق میں 2500 نمازیوں کے کی گنجائش ہے ،250 میںخواتین کے لیے بھی الگ جگہ مختص کی گئی ہے، جبکہ معذور افراد کی ضرورت کا بھی خیال رکھا گیا ہے۔

اس موقع پر ملک ریاض نے پاکستان کو صاف رکھنے کے عزم کا اظہار بھی کیا اور یوم آزادی سے شہر میں صفائی مہم دوبارہ شروع کرنے کا اعلان بھی کر ڈالا۔

چیئرمین ملک ریاض حسین نے بحریہ ٹاؤن کی پہلی مسجد پر مبارک باد دی اور بحریہ ٹاؤن کو پاکستان کا اصل چہرہ قرار دیا۔