| |
Home Page
پیر 02 صفر المظفر 1439ھ 23 اکتوبر 2017ء
August 13, 2017 | 05:22 pm
قوم یوم آزادی شہدائے پاکستان کے نام کردے، آرمی چیف

Independence Dedicated To Name Of The Martyr Of Pakistan Army Chief General Qamar Bajwa

Independence Dedicated To Name Of The Martyr Of Pakistan Army Chief General Qamar Bajwa

آرمی چیف جنرل قمر جاوید باجوہ نے کہا ہے کہ دہشت گردی کو شکست دینے کیلئے تمام ریاستی اداروں کو مل کر اجتماعی کوشش کرنا ہوگی، پاکستانی اس یوم آزادی کو شہدائے پاکستان کے نام کردیں۔

آئی ایس پی آر کےمطابق آرمی چیف نے کوئٹہ کا دورہ کیا اور گزشتہ رات بم دھماکے میں شہید ہونے والے فوجی جوانوں کی نماز جنازہ میں شرکت کی۔

نماز جنازہ میں وزیر اعلیٰ بلوچستان، گورنر بلوچستان، وفاقی وزیر داخلہ اور کمانڈر سدرن کمانڈ لیفٹیننٹ جنرل عامر ریاض بھی موجود تھے۔

ہیڈکوارٹرز سدرن کمانڈ میں آرمی چیف کو گزشتہ رات کے سانحہ کے حوالے سے بریفنگ دی گئی۔

آرمی چیف کا کہنا تھا کہ پائیدار امن کے قیام تک دہشت گردی کے خلاف جنگ جاری رہے گی، شہدائے پاکستان نے پرامن اور خوشحال پاکستان کیلئے اپنی جانوں کا نذرانہ پیش کیا۔

آرمی چیف جنرل قمر جاوید باجوہ نے کوئٹہ کینٹ میں واقع سی ایم ایچ اسپتال میں زخمیوں کی عیادت بھی کی۔