سعودی عرب نے ایران کے ساتھ ثالثی کی درخواست کی تردید کرتے ہوئے کہا ہے کہ وہ ایران کے ساتھ کسی بھی سطح پر قربت کا خواہاں نہیں ہے۔
سعودی نیوز ایجنسی نے حکومتی ترجمان کے حوالے سے کہا ہے کہ ایران کے ساتھ ثالثی کی درخواست ے متعلق میڈیا میں گردش ہونے والے خبروں میں کوئی صداقت نہیں اور یہ خبریں من گھڑت ہے۔
ترجمان نے مزید کہا کہ سعودی عرب ایرانی سرکار کے ساتھ کسی بھی قسم کی اور کسی بھی سطح پر قربت نہیں چاہتا، کیونکہ ایران علاقائی اور بین الاقوامی سطح پر انتہاپسندی ودہشتگردی کا ذمہ دار ہے، اور سعودی عرب سمیت دیگر ممالک کے اندرونی معاملات میں مداخلت کرتا آرہاہے۔
اس لئے ایران میں موجودہ سرکار کے ساتھ کسی بھی طرح کے مذاکرات ناممکن ہے، ترجمان کا کہنا ہے کہ سعودی عرب کا یہ موقف ایران کے ساتھ تلخ وطویل تجربوں کے بعد اپنایا گیا۔یاد رہے کہ قطری نیوز چینل الجزیرہ نے دعویٰ کیا تھا کہ سعودی عرب نے ایران کے ساتھ ثالثی کے لئے عراقی حکومت سے درخواست کی تھی۔