بولی ووڈ اداکار اکشے کھنہ نے کہا ہے کہ وہ اپنے والد ونود کھنہ سے مشابہت نہیں رکھتے اس لئے ان کا کردار ادا نہیں کر سکتے۔
بھارتی ذرائع ابلاغ کے مطابق اداکار اکشے کھنہ نے کہا ہے کہ وہ اپنے والد و اداکار ونود کھنہ جیسے نہیں دکھتے۔ انہوں نے کہا کہ ایک اداکار کے لئے کسی کی زندگی پر فلم میں کردار بہت چیلنجنگ ہونے کے ساتھ ساتھ رسکی بھی ہوتا ہے ۔
ان کا کہنا تھا کہ میں اپنے والد سے مشابہت نہیں رکھتا اس لئے اس کا کوئی آپشن نہیں ہے۔
اکشے کھنہ ابھے چوپڑا کی ہدایت کردہ تھرلر فلم ”اتفاق“ میں نظر آئیں گے جس میں سدھارتھ ملہوترا ،سوناکشی سنہا ،راج کم،راج راؤ اور دیگر شامل ہیں۔