پی ٹی آئی کی امیدواریاسمین راشدکےکاغذات نامزدگی منظور

قومی اسمبلی کے حلقے این اے120کے ضمنی انتخاب میںپی ٹی آئی کی امیدواریاسمین راشدکےکاغذات نامزدگی منظورکرلیے گئے ہیں،پیپلزپارٹی کےامیدوارفیصل میرنےیاسمین راشدسےمتعلق اعتراضات واپس لےلیے۔

اس موقع پر میڈیا سے گفتگو میں پی ٹی آئی کی امیدوار یاسمین راشد کا کہنا تھا کہ بیگم کلثوم نوازنےکاغذات نامزدگی میں حقائق چھپائے،حقائق چھپانےپرکلثوم نوازکےکاغذات نامزدگی مستردکیےجائیں۔

انہوں نے کہا کہ بیگم کلثوم نوازنے نامزدگی سے متعلق تمام فارمز نہیں بھرے ، کلثوم نواز کو قوانین کی پاسداری کرنا ہوگی۔

پی ٹی آئی کی امیدواریاسمین راشد نے کہا کہ ن لیگ کی امیدوارکلثوم نواز پر25 اعتراضات لگائےہیں۔

انہوں نے مزید کہا کہ این اے 120 کا ضمنی الیکشن پی ٹی آئی جیتے گی۔