سردار یعقوب ناصر ن لیگ کے قائم مقام صدر منتخب

سردار یعقوب ناصر مسلم لیگ ن کے قائم مقام صدر منتخب ہوگئے ہیں، راجا ظفر الحق نے سردار یعقوب ناصر کا نام پیش کیا ۔

ذرائع کے مطابق مرکزی مجلس عاملہ نےسردار یعقوب ناصرکے نام کی توثیق کردی ۔سینیٹر یعقوب ناصر کا تعلق بلوچستان سے ہے اور وہ بلوچستان میں پارٹی کے سینئر رہنماہیں۔

یہ خبر بھی پڑھیے: نوازشریف کا نام ن لیگ کی صدارت سے خارج

مسلم لیگ ن کی مرکزی مجلس عاملہ کا اجلاس پنجاب ہاؤس اسلام آباد میں ہوا ۔ وزیراعظم شاہد خاقان عباسی بھی مرکزی مجلس عاملہ کے اجلاس میں شریک ہوئے ۔

راجہ محمد ظفر الحق کے مطابق ورکنگ کمیٹی کے ارکان 15 سے 45 تک ہوتے ہیں جبکہ سینٹرل کونسل اس کے مقابلے میں ایک بڑا ایوان ہے۔

یہ خبر بھی پڑھیے: الیکشن کمیشن کا ن لیگ کو نیا صدر منتخب کرنے کا حکم

ایک سوال کے جواب میں راجہ ظفر الحق نے کہاکہ قائم مقام صدر کی نامزدگی سے نواز شریف کی نااہلی سے پیدا ہونے والا خلا پر ہوگیا ہے۔

ذرائع کا کہنا ہے کہ پارٹی انتخابات تک سینیٹر سردار یعقوب ناصر پارٹی کے قائم مقام صدر کی حیثیت سے خدمات انجام دیتے رہیں گے۔

یہ خبر بھی پڑھیے: وزیراعظم تاحیات نااہل قرار، عہدے سے سبکدوش

خیال رہے کہ 8 اگست کو الیکشن کمیشن نے مسلم لیگ (ن) کو نوٹس جاری کرتے ہوئے کہا تھا کہ پولیٹیکل پارٹیز آرڈر 2002 کے تحت نااہل شخص پارٹی عہدہ نہیں رکھ سکتالہٰذا مسلم لیگ (ن) نئے صدر کا انتخاب کرکے الیکشن کمیشن کو آگاہ کرے۔