پاکستان اسٹاک ایکسچینج میں آج کاروبار کا منفی دن رہا، سیاسی صورتحال پر 100 انڈیکس ہزار پوائنٹس گر گیا، مارکیٹ کیپٹلائزیشن 9 ہزار ارب بھی نہ رہی۔
ملک کی سیاسی صورتحال آنے والے دنوں میں کیا ہوگی، سیاسی رسہ کشی میں اقتصادی صورتحال کیا ہوگی، بیرونی ادائیگیوں کا روپے کی قدر پر کیا اثر ہوگا؟
پاکستان اسٹاک ایکسچینج کے سرمایہ کاروں میں ان سوالات کو لے کر تشویش ہے، جس کا اظہار 100 انڈیکس اپنی گراوٹ سے کررہا ہے۔
آج کاروبارکے دوران 100 انڈیکس 1050 پوائنٹس کمی سے 43 ہزار 136 پر بند ہوا، کاروبار کے دوران 16 کروڑ 70 لاکھ شیئرز کے سودے ہوئے۔
کاروبار کئے گئے شیئرز کی مالیت 8 ارب 83 کروڑ روپے رہی، مارکیٹ کیپٹلائزیشن 195 ارب روپے کم ہوکر 8982 ارب روپے ہوگئی۔