ہالی ووڈ اداکار جوہنی ڈیپ بچوں کا دل بہلانے اسپتال پہنچ گئے

مختلف بیماریوں میں مبتلا ہوکر اسپتال میں زیر علاج بچوں کے اداس چہرے دیکھنا تو کسی کو بھی اچھا نہیں لگتا۔

یہی وجہ ہے کہ ان بچوں کے چہروں پر مسکراہٹ بکھیرنے کیلئے ہالی ووڈ کے معروف اداکار جوہنی ڈیپ Johny Deep  کینیڈا کے شہر وینکوور میں واقع بچوں کے ایک اسپتال پہنچ گئے۔

اس موقع پر جوہنی ڈیپ نے اپنی مشہور فلم پائیریٹس آف دی کیریبیئن کے کردار جیک اسپیرو کا روپ اختیار کیا جس پر اسپتال میں موجود بچوں میں خوشی کی لہر دوڑ گئی۔

جوہنی ڈیپ اس موقع پر بچوں میں گھل مل گئے اور ان کے ساتھ خوب ہلہ گلہ کیا۔