وزیراعظم شاہد خاقان عباسی نے اسپین کے شہر بارسلونا میں دہشت گردی کے واقعہ کی شدید مذمت کی ہے ۔
شاہد خاقان عباسی نے بارسلونا میں قیمتی انسانی جانوں کے ضیاع پر اظہار افسوس کرتے ہوئے کہا ہے کہ دہشت گردخوف کی فضا پیدا کرکے عوام کے حوصلے پست کرنا چاہتے ہیں۔ دہشت گرد بزدلانہ کارروائیوں سے عوام کاعزم کمزور نہیں کرسکتے ۔
وزیراعظم شاہد خاقان عباسی نے مزید کہا کہ کوئی اتنی آسانی سے اسپین کے عوام کو خوفزدہ نہیں کرسکتا۔
یہ خبر بھی پڑھیے: بارسلونا وین حملہ، دہشت گرد سمیت 13 افراد ہلاک
واضح رہے کہ اسپین کے شہر بارسلونا میں دہشت گرد حملے میں 13 افراد ہلاک ہوگئے تھےجبکہ سوسےزائدافراد زخمی ہوئے جن میں متعدد پاکستانی بھی شامل ہیں۔