آئس لینڈ کے دار الحکومت ریکیاوک میں یو یو کے سالانہ عالمی مقابلوں کا انعقاد کیا گیا جس میں دنیا بھر سے آئے سینکڑوں نوجوانوں نے شرکت کی۔
عالمی چیمپئن شپ میں شریک 30 ممالک سے آئے 200سے زائد نوجوانوں نے اپنی بہترین صلاحیتوں کا مظاہرہ کیا اور یو یو گھمانے کے نت نئے طریقے دکھائے۔
تین روز تک جاری رہنے والے اس ایونٹ کے دوران مختلف کیٹیگریز میں جیتنے والے نوجوان کھلاڑیوں کو سرٹیفیکیٹس اور انعامات سے نوازا گیا۔
واضح رہے کہ یو یو کا پہلا عالمی مقابلہ 1932ء میں منعقدکیا گیا جبکہ سالانہ عالمی مقابلوں کا انعقاد 1993ء سے باقاعدگی سے شروع ہوا۔