چین کی فوج کے نائب سربراہ فان جنرل چانگ لونگ نے کہا ہے کہ امریکہ کے غلط روّیوں سے تائیوان اور چین کے باہمی تعلقات پر منفی اثرات مرتب کئے ہیں ۔
چین کے خبررساں ادارے کے مطابق چین کی وزارت دفاع کی طرف سے جاری کردہ تحریری بیان کے مطابق فوج کے نائب سربراہ فان جنرل چانگ لونگ نے امریکہ کی مسلح افواج کے سربراہ جوزف ڈنفورڈ کے ساتھ بیجنگ میں ملاقات میں کہا ہے کہ تائیوان، جنوبی بحیرہ چین اور ریجنل ہائی لیول ائیر ڈیفنس کے موضوعات پر واشنگٹن انتظامیہ کے غلط اقدامات نے دونوں ممالک اور ان کی فوجوں کے درمیان تعاون اور دو طرفہ اعتماد پر منفی اثرات ڈالے ہیں۔
انہوں نے کہا کہ شمالی کوریا کو جوہری ہتھیاروں سے پاک کرنے کے لئے فوجی طریقے کوئی ترجیح نہیں ہو گی بلکہ ڈائیلاگ اور مذاکرات اس مسئلے کے حل کا واحد موثر راستہ ہے۔
فان نے کہا کہ ہمیں امید ہے کہ ،فریقین کو ٹھنڈا کرنے، امن اور استحکام کے تحفظ اور جزیرہ نما کوریا کو جوہری ہتھیاروں سے پاک کرنے کے موضوعات پر ہم امریکہ کے ساتھ مل کر کام کریں گے۔
اس موقع پرامریکی مسلح افواج کے سربراہ ڈنفورڈ نے کہا کہ چین اور امریکہ کے درمیان تعلقات اور تعاون میں فروغ دونوں ملکوں کی مشترکہ خواہش ہے، اور دونوں ممالک کے لیڈروں کے اتفاق رائے سے واشنگٹن انتظامیہ ، بیجنگ انتظامیہ کے ساتھ قریبی رابطہ اور میکانزم اور چینل قائم کرنے کی خواہش رکھتی ہے۔