جرمن وزیر خارجہ زیگمار گیبرئل اور ان کے روسی ہم منصب سرگئی لاوروف نے جمعہ کو ٹیلی فون پررابطہ کیا اور باہمی دلچسپی کے امور پر گفتگو کی ،اس موقع پر شمالی کوریا کے متنازع جوہری و میزائل پروگرام پر تبادلہ خیال کیا گیا۔
روسی وزارت خارجہ کی جانب سے اس پیش رفت کی تصدیق کی گئی ہے۔ برلن حکومت کی جانب سے اسی ہفتے کہا گیا تھا کہ جزیرہ نما کوریا میں پائی جانے والی انتہائی کشیدہ صورتحال میں بہتری کے لئے ہر ممکن کوشش کی جائے گی۔
تاہم جرمن حکومت یہ بھی واضح کر چکی ہے کہ پیانگ یانگ اور واشنگٹن کے مابین امن بات چیت کے لئے جرمنی ثالث کا کردار ادا نہیں کر سکتا۔