نوبل انعام یافتہ پاکستانی طالبہ ملالہ یوسف زئی کا کہنا ہے کہ یونیورسٹی تعلیم سے فارغ ہو کر پاکستان واپس آئیں گی اور بچوں کی تعلیم کے لیے اپنا کردار ادا کریں گی ۔
’جیو نیوز‘ سے بات کرتے ہوئے ملالہ یوسف زئی نے مزید کہا کہ وہ آکسفورڈ یونیورسٹی میں داخلے سے وہ بہت پرجوش ہیں۔
ملالہ کا آکسفورڈ یونیورسٹی میں داخلے کے حوالے سے یہ بھی کہنا ہے کہ وہ اس اعلیٰ ترین تعلیمی ادارے میں پڑھیں گی جہاں سے دنیا کی اہم ترین شخصیات فارغ التحصیل ہوئی ہیں۔
واضح رہے کہ ملالہ یوسف زئی کو آکسفورڈ یونیورسٹی میں داخلہ مل گیا ہے جہاں وہ فلسفے، سیاست اور اقتصادیات کی تعلیم حاصل کریں گی۔