بارسلونا حملوں میں ہلاک اکثریت کا تعلق غیرممالک سے ہے،اسپین

ہسپانوی حکام نے بتایا ہے کہ سترہ اگست کو بارسلونا اور کامبرِلز میں کیے گئے دہشت گردانہ حملوں میں ہلاک اور زخمی ہونے والوں میں ہسپانوی شہریوں کے علاوہ کئی دیگرممالک کے شہری بھی شامل ہیں۔

غیرملکی خبررساں ادارے کے مطابق پانچ ہلاک ہونے والوں کی شناخت ابھی تک نہیں ہو سکی ہے۔ 126 افراد زخمی ہوئے تھے، جن میں سے اکیاون کو ہلکی نوعیت کی چوٹیں آئی تھیں۔

بقیہ 75 ابھی تک اسپتالوں میں ہیں۔ ان میں کچھ کی حالت نازک بتائی گئی ہے۔ جن ملکوں کے سیاح ہلاک اور زخمی ہوئے ہیں، ان کا تعلق اسپین، امریکا، کینیڈا، فرانس، وینزویلا، آسٹریلیا، آئرلینڈ، پیرو، الجزائر اور چین کے علاوہ کئی دوسرے ملکوں سے ہے۔ سب سے زیادہ زخمیوں کا تعلق فرانس سے ہے۔