چوہدری نثار کو اختلاف رائے کاحق ہے، احترام ہونا چاہیے،رانا ثناء اللہ

20 اگست ، 2017

Chaudhry Nisar Has A Right Of Difference Rana Sana

وزیر قانون پنجاب رانا ثناء اللہ نے کہا ہے کہ چوہدری نثار کو اختلاف رائے کا حق ہے اور ان کے اختلاف کااحترام ہونا چاہیے۔

چوہدری نثار کی پریس کانفرنس کے رد عمل میں رانا ثناء اللہ نے کہا کہ پارٹی میں سب کی ایک رائے نہیں ہوتی اور لوگوں کی مختلف آراء ہوتی ہیں، اسی لیے چوہدری نثار کی اختلاف رائے کا احترام ہونا چاہیے۔

انہوں نے کہا کہ چوہدری نثارنے آج پریس کانفرنس میں اپنی وزارت کی 4 سالہ کارکردگی کی بات کی ہے۔

اس سے قبل جیو نیوز سے بات کرتے ہوئے وزیر قانون پنجاب کا کہنا تھا کہ پارٹی میں کوئی انتشار نہیں اور پارٹی پہلے سے زیادہ متحد ہے۔

رانا ثناء اللہ کا کہنا تھا کہ چوہدری نثار کے ہوتے ہوئے وزارت داخلہ میں بہت کام ہوا ہے، انہوں نے پہلے بھی اپنے تحفظات کا اظہار کرتے ہوئے کہا تھا کہ انہیں مشاورتی عمل سے نکال دیا گیا تاہم وہ پھر بھی پارٹی کے ساتھ ہیں۔

تازہ ترین