پاکستان کے باصلاحیت اداکار شان کاکہنا ہے کہ فلم انڈسٹری کی بحالی کےلئے ہم سب کو باہمی اتفاق سے کام کرنا ہوگااور مجھے یقین ہے کہ فلم انڈسٹری کی بحالی کےلئے ہماری جدوجہد رنگ لائےگی ۔
ایک انٹر ویو میں سپر اسٹار شان نے کہا کہ فلم انڈسٹری کو دوبارہ اپنے پاؤں پر کھڑا کرناکسی فرد واحد کا کام نہیں اس کیلئے ہم سب کو باہمی اتفاق اور ایمانداری سے کام کرناہوگا ۔
انہوں نے مزیدکہا کہ فلم انڈسٹری کو دوبارہ اپنے پاؤں پر کھڑا کرنے کے لئے پروڈیوسرزکو مزید نئی فلمیں بنانی چاہئیں اور رائٹرز کو بھی ایسے اسکرپٹ لکھنے چاہئیں جو عوام کے مسائل کو بھی اجاگر کریں ۔