امریکا ، جنوبی کوریاجنگی مشقیں اشتعال انگیز ہیں، شمالی کوریا

جنوبی کوریا میں امریکی اور جنوبی کوریائی فوج کی سالانہ مشترکہ مشقوں کا آغاز ہوگیا، شمالی کوریا نےان مشقوں کو اشتعال انگیز قراردیتے ہوئے کہا کہ مشقیں نہ ختم ہونےوالی ایٹمی جنگ میں تبدیل ہوسکتی ہیں۔

آج سے شروع ہونے والی 11 روزہ مشقوں میں امریکا اور جنوبی کوریا کے 40 ہزار سے زائد اہلکار حصہ لے رہے ہیں ۔

امریکی محکمہ خارجہ کا کہنا ہے کہ ’’الچی فریڈم گارڈین‘‘ نامی مشقوں کا مقصد جنگی تیاریوں میں اضافہ، کوریائی خطے کا تحفظ اور استحکام قائم کرنا ہے ۔

شمالی کوریا نے خبردار کرتے ہوئے کہا ہے کہ یہ مشقیں ناختم ہونےوالی ایٹمی جنگ میں تبدیل ہوسکتی ہیں۔

جنوبی کوریا کے صدر نےشمالی کوریا کو خبردار کرتے ہوئے کہا کہ وہ مشقوں کو اشتعال انگیز کارروائیوں کے عذر کے طور پر استعمال نہ کرے ، مشقوں کا مقصد کوریائی خطے میں تناؤ میں اضافہ نہیں۔