شہبازشریف کی درخواست ہرجانہ، عمران کو نوٹس جاری

پاکستان تحریک انصاف کے چیئرمین عمران خان کے خلاف وزیراعلیٰ پنجاب شہباز شریف کی ہرجانے کی درخواست پر تحریک انصاف کے چیئرمین آج بھی لاہور کی سیشن عدالت میں پیش نہ ہوئے۔

عدالت نے عمران خان کو 9ستمبر کی حاضری کے لیے نوٹس جاری کردیا۔

وزیراعلیٰ پنجاب شہباز شریف نےعمران خان کے خلاف 10ارب روپے ہرجانے کا دعویٰ دائر کررکھا ہے۔

وزیراعلیٰ پنجاب کے وکیل کے اسسٹنٹ عدالت میں پیش ہوئے لیکن عمران خان نہیں پہنچے، جس پر عدالت نے عمران خان کو 9ستمبر کے لیے نوٹس جاری کرتے ہوئے سماعت ملتوی کردی۔