روس میں دنیا کا طویل ترین صوفہ

روس میں دنیا کا طویل ترین ایک ایساصوفہ موجود ہے جس کی لمبائی لگ بھگ ایک کلومیٹر ہے اور اب اس کی تصدیق گنیز بک آف ورلڈ ریکارڈ سے بھی ہو چکی ہے۔

1,006.61 میٹر طویل یہ صوفہ روسی شہر سیراٹوف میں ایک فرنیچر ساز کمپنی ’نوگومیبلی‘ نے اپنی پچاسویں سالگرہ پر تیار کرکے عوام کے لیے پیش کیا ہے۔

سرخ رنگ کے اس شاندار صوفے پر ایک وقت میں 2500 افراد آسانی سے بیٹھ سکتے ہیں۔

کمپنی کے مطابق یہ صوفہ ڈیزائننگ کا بھی ایک شاہکار ہے جسے عوامی مقام پر بالکل سیدھا بنایا گیا ہے۔ اسے ہر طرح سے آرام دہ بنایا گیا ہے اور اس کی مرمت اور دیکھ بھال کے لیے باقاعدہ ایک ٹیم مقرر کی گئی ہے۔