اینی میٹیڈ کامیڈی فلم '’ڈک ڈک گوز ‘کا نیا ٹریلر

ہالی ووڈ کی نئی اینی میٹیڈ کامیڈی فلم ’ڈک ڈک گوز ‘کا نیاٹریلر جاری کر دیا گیا ۔

ہد ایت کارکرِس جینکنز کی اس دلچسپ فلم کی کہانی ایک ایسے اَکھڑ مزاج ہنس کے گِرد گھوم رہی ہے جودورانِ پرواز لڑکھڑا کربطخ کے انڈوں پر گِر جاتا ہے۔

ننھی بطخیں اپنی ماں کو ڈھونڈنے میں ہنس کے ساتھ مل کرجنوب کی جانب سفر کرتی ہیں ۔جس دوران یہ ہنس ان بچوں کی شرارتوں سے تنگ آجاتا ہے تاہم جیسے جیسے سفر طویل ہوتا ہے ہنس کی ان ننھی ڈَکس سے دوستی گہری ہو جاتی ہے۔

سینڈرا ریبنز اور پینی کوکس کی مشترکہ پروڈکشن میں بننے والی اس فلم میں مختلف کرداروں کے ڈائیلاگ ہالی وڈ اداکارجِم گریفگن، کارل رینر، زینڈایا، لینس لِم، نتاشا لیگیرو، گریگ پروپس، اسٹیفن فرائے، رِک اوور ٹون اورجینیفر گرے کی آوازمیں ریکارڈ کروائے گئے ہیں۔

فلم آئندہ سال20اپریل کو ریلیز کی جائے گی۔