اسپاٹ فکسنگ کیس میں معطل کرکٹر شاہ زیب حسن کو لاہور ہائی کورٹ نے ایک مرتبہ بیرون ملک جانے کی اجازت دے دی ہے۔
اسپاٹ فکسنگ کیس منظرعام پرآنے کے بعد ایف آئی اے نے کارروائی کا آغاز کیا تو وزارت داخلہ نے پانچ کرکٹرز کے نام ای سی ایل میں ڈال دیئے جس میں شاہ زیب حسن بھی شامل تھے ۔
شاہ زیب نے ای سی ایل سے اپنا نام نکلوانے کے لیے لاہور ہائی کورٹ سے رجوع کیا اور درخواست دی کہ انہیں فیملی سے ملنے بیرون ملک جانے کی اجازت دی جائے۔
عدالت نے انہیں ایک بار بیرون ملک جانے کی اجازت دے دی ہے ۔ عدالت نے کرکٹر کی رضا مندی سے بیرون ملک جانے کی مدت مقرر کرنے کی بھی ہدایت کی ہے ۔