امریکاکے لئے روس کے نئے سفیر اناتولی آنتونوف یورپی یونین کی پابندیوں کی فہرست میں شامل ہیں۔
ان کا نام یورپی یونین کے سرکاری گزٹ میں 2015 ءسے لے کر اب تک موجود پابندیوں کی فہرست میں شامل ہے۔ترک خبر رساں ادارے کے مطابق آنتونوف 2011ءسے 2016ءتک روس کے نائب وزیر دفاع کے عہدے پر فائز رہے۔
بطور نائب روسی وزیردفاع ان پر یوکرین کی زمینی سالمیت ، خودمختاری اور آزادی کو خطرے میں ڈالنے والی پالیسیاں تشکیل دینےکا الزام لگایا جا رہا ہے۔نئے عہدے پر فائز ہونے سے قبل وہ روس کے نائب وزیر خارجہ کے فرائض ادا کر رہے تھے۔