انگلش فٹبال پریمیئر لیگ میں مانچسٹر سٹی اور ایورٹن کا میچ تو ایک ایک سے برابر رہا لیکن وین رونی نے اپنی واحد کامیابی سے ایونٹ میں گولز کی ڈبل سنچری مکمل کر کے سب کے دل جیت لیے ۔
اتحادا سٹیڈیم میں فٹبال کا بڑا میلہ سجا ، انگلش پریمئر لیگ کی دو ٹیمیں مانچسٹر سٹی اور ایورٹن آمنے سامنے آئیں ۔میچ کے پینتیسویں منٹ میں مانچسٹر یونائیٹڈ سے آنے والے وین رونی نے ایورٹن میں اپنی انٹری کو یادگار بنا لیا ۔
ا سٹرائیکر نے انگلش پریمیئر لیگ میں اپنے 200گولز کی تعدادمکمل کر لی، اس سنگ میل کے ساتھ ا سٹرائیکر ایلن شیئرر کے بعد دوسرے انگلش فٹبالر بن گئے جنہوں نے چار سو اکتالیس میچوں میں اپنے گول اسکور کو دو سو ساٹھ تک پہنچایا ۔
ایورٹن کی اسی ایک صفر کی برتری پر پہلے ہاف کا اختتام ہوا ۔ چوالیسویں منٹ میں سٹی کے واکر کو فائول پر ریفری نے آئوٹ کر دیا ۔ اس فیصلے کے بعد دس رکنی ٹیم کا امتحان مزید سخت ہو گیا ۔
بیاسی ویں منٹ میں مانچسٹر سٹی نے گول کر کے حساب برابر کر دیا ۔ میچ تو بے نتیجہ ختم ہو گیا لیکن وین رونی نے گولز کا تگڑا ڈبل سینکڑہ مکمل کر کے سب کے دل جیت لیے ۔