سعودی پولیس نے طائف میں پاکستانی بچی کے ساتھ زیادتی کرنے والے ملزم کو گرفتار کرلیا۔
سعودی پولیس کے مطابق سترہ سالہ افریقی نوجوان نے سات سالہ پاکستانی بچی سجیٰ کے ساتھ زیادتی کا اعتراف کرلیا، مزید بتایا گیا ہے کہ ملزم نے چند روز قبل طائف کا علاقہ عقیق میں گھر کے قریب دکان جانے والی بچی کو ورغلاکر ایک پرانے مکان میں لے گیا اور نشہ آور چیز کھلاکر بیہوش کرنے کے بعداسے اپنی ہوس کا نشانہ بنایا۔
بچی کو انتہائی نازک حالت میں اسپتال منتقل کردیا گیا تھا۔مزید بتایا گیا کہ ملزم کی گرفتاری سعودی انسانی حقوق کی تنظیم کے تعاون سے ممکن ہوئی، جس کے نمائندوں نے متاثرہ بچی کی عیادت کی اور انکے اہل خانہ کو ملزم کی جلد گرفتاری اور سخت سزا دینے کا وعدہ کیا تھا۔