کراچی میں بجلی بند ، 150ملین گیلن پانی فراہم نہیں کیا جاسکا

کراچی میں بجلی کی عدم فراہمی کے باعث 150ملین گیلن پانی فراہم نہیں کیا جاسکا۔ایم ڈی واٹربورڈ کا کہنا ہے کہ واٹربورڈ کےمتعددپمپنگ اسٹیشن بجلی کی عدم فراہمی سےمتاثرہوئے ۔تمام سپرنٹنڈنگ انجینئرز فراہمی ونکاسی آب کی صورتحال پر کڑی نگاہ رکھیں۔

انہوں نے مزید کہا کہ گھارودھابیجی پمپنگ اسٹیشن پر منگل کی رات 9:40 سے10:50 تک بجلی معطل ہے۔رات 12:20پمپنگ معمول کے مطابق شروع کی گئی تاہم ایک پمپ تاحال بند ہے جبکہ حب پمپنگ اسٹیشن پر صبح سے بجلی کی آنکھ مچولی جاری۔

شہرمیں سو سے زائد ڈسٹری بیوشن پمپوں سے پانی کی فراہمی بند ہےتاہم متعدد سیوریج پمپنگ اسٹیشنوں کو ہیوی جنریٹروں کی مدد سے فعال رکھا جا رہا ہے۔

ادھر ترجمان کے الیکٹرک کے مطاق واٹر بورڈ سمیت شہر کی تمام تنصیبات پر بجلی کی فراہمی معمول کے مطابق جاری جبکہ دھابیجی اور گھارو پر بجلی کے بریک ڈوان کی خبر بےبنیاد ہے۔ مختصر تعطل آیا تھا جسے ہنگامی بنیادوں پر بحال کردیا گیا ہے۔