آرمی چیف جنرل قمر جاوید باجوہ نےسابق وزیراعظم میاں محمد نوازشریف سے فون پر رابطہ کرکے بیگم کلثوم نواز کی خیریت دریافت کی ہے۔
آئی ایس پی آر کے مطابق آرمی چیف نےنوازشریف سےبیگم کلثوم نوازکی خیریت دریافت کی اور ان کی جلد صحتیابی کے لیے نیک تمناؤں کااظہار کیا۔
واضح رہے کہ سابق وزیر اعظم نواز شریف کی اہلیہ بیگم کلثوم نواز ان دنوں لندن میں ہیں جہاں ڈاکٹرز نے کینسر کی تشخیص کی ہے اور کہا ہے کہ وہ بلاتاخیر اس کا علاج کرائیں۔
COAS made a tel call to Mian Muhammad Nawaz Sharif. Expressed his best wishes and prayers for health of Begum Kalsoom Nawaz Sharif.
— Maj Gen Asif Ghafoor (@OfficialDGISPR) August 23, 2017
ڈاکٹرز کے مطابق ان کا کینسر قابل علاج ہے اور علاج بھی پیچیدہ نہیں ہوگا، یہ بھی معلوم ہوا ہے کہ ڈاکٹرز نے ان کے علاج کے متعدد آپشنز پر غور کیا اور اتفاق کیا کہ سرجری اور ریڈی ایشن تھراپی استعمال نہیں کی جائے گی اور کیموتھراپی کے ذریعے مرض کا علاج کیا جاسکتا ہے۔
سابق وزیراعظم کی اہلیہ قومی اسمبلی کے حلقہ این اے 120 کے ضمنی انتخاب کے لئے مسلم لیگ (ن) کی امیدوار بھی ہیں۔
یہ خبر بھی پڑھیے: مریم نواز انتخابی مہم چلائیں گی
دوسری جانب پاکستان تحریک انصاف کے چیئرمن عمران خان نے بھی کلثوم نواز کی جلد صحت یابی کے لئے دعا کی ہے۔
I wish her the best as she fights this disease and pray she wins her battle against cancer. https://t.co/6XpFpiZa2d
— Imran Khan (@ImranKhanPTI) August 23, 2017
سوشل میڈیا پر پیغام میں چیئرمین تحریک انصاف کا کہنا ہے کہ دعا ہے وہ کینسر جیسے مرض کے خلاف جنگ میں کامیاب ہوں۔
پیپلزپارٹی کےچیئرمین آصف زرداری کی صاحبزادی آصفہ بھٹو نے بھی سوشل میڈیا پر کلثوم نواز کی جلد صحت یابی کا پیغام دیا۔
Our family sends prayers to Begum Kulsoom Nawaz praying for her swift recovery
— Aseefa B Zardari (@AseefaBZ) August 23, 2017
ٹوئٹر پیغام میں آصفہ بھٹو کا کہنا ہے کہ ہمارا خاندان کلثوم نواز کی جلد صحتیابی کے لئے دعا گو ہے۔
وزیراعلیٰ پنجاب شہبازشریف نے بھی اپنی بھابھی کلثوم نواز کی صحت یابی کے لئے دعا کی ہے۔