اسلامی تعاون تنظیم کے تعلیمی، سائنسی اور ثقافتی ادارے آئسسکو نے حکومت میانمار کی مشیر اور وزیرخارجہ آنگ سان سوچی سے امن کا نوبل انعام واپس لئے جانے کی اپیل کی ہے۔
ایرانی خبر رساں ادارے کے مطابق اسلامی تعاون تنظیم سے وابستہ تعلیمی ، سائنسی اور ثقافتی ادارے آئسسکو نے نوبل انعام سے نوازنے والی ناروے کی کمیٹی سے اپیل کی ہے کہ وہ میانمار حکومت کی مشیراعلیٰ آنگ سانگ سوچی سے امن کا نوبل انعام جلد سے جلد واپس لے۔
آئسسکو نے اپنے بیان میں کہا ہے کہ آنگ سانگ سوچی ، امن کا نوبل انعام رکھنے کاحق کھوچکی ہیں کیونکہ ان کی زیرقیادت حکومت روہنگیا مسلم اقلیت کے خلاف غیرانسانی اقدامات کر رہی ہے۔
میانمار کے نفرت انگیز اقدامات، امن کے نوبل انعام کی ماہیت کے منافی ہیں اور عالمی برادری کو چاہئے کہ وہ میانمار میں مظالم اور انسانی حقوق کی خلاف ورزیوں کو رکوانے کے لئے اقدام کرے۔