اسٹیڈیم میں سیاسی نعرے لگانا منع، ضابطہ اخلاق لاگو

قذافی اسٹیڈیم میں تماشائیوں کو سیاسی نعرے لگانے سے روکنے سخت اور منفرد قسم کا ضابطہ اخلاق متعارف کرایا گیا ہےجس کے تحت ہر انکلوژر میں مجسٹریٹ تعینات کیا گیا ہے۔

شٹل سروس کے ساتھ بھی مجسٹریٹ کی تقرری کی گئی ہے۔ یہ فیصلہ پاکستان سپر لیگ فائنل میں سیاسی نعروں کے بعد کیا گیا ہے۔

ضابطہ اخلاق کے مطابق شائقین کرکٹ کو پانی کی بوتل اور کھانے پینے کی اشیا اسٹیڈیم میں لانے کی اجازت نہیں تھی۔ سگریٹ، لائٹرز، بیٹری، چارجر اور لوہے کی کوئی بھی چیز اسٹیڈیم میں لے جانے پر پابندی تھی ۔

ذرائع کا کہنا ہے کہ میچ کے دوران ہلڑ بازی، غیرشائستہ نعروں پر فوری قانونی کارروائی کی جائے گی۔ ضابطہ اخلاق کے مطابق مجسٹریٹ کو نامناسب نعرے بازی کرتے ہوئے پکڑے جانے والے شخص کو فوری طور پر سزا دینے کا اختیار دیا گیا ہے۔