| |
Home Page
ہفتہ 28 صفر المظفر 1439ھ 18 نومبر 2017ء
September 13, 2017 | 04:45 pm

چوہدری نثار کے بیان پراحسن اقبال سینیٹ میں طلب

Senate Asks Ahsan Iqbal

Senate Asks Ahsan Iqbal

چیئرمین سینیٹ میاں رضا ربانی نے ملک کو لاحق سنگین خطرات کے حوالے سے سابق وزیر داخلہ چوہدری نثار کے بیان پر وزیر داخلہ احسن اقبال کو پالیسی بیان دینے کےلیے جمعہ کو طلب کر لیا۔

میاں رضا ربانی کی زیر صدارت سینیٹ کا اجلاس ہوا جس میں ان کا کہنا تھا کہ گزشتہ روز قائد حزب اختلاف نے سابق وزیر داخلہ کا بیان اٹھایا تھا کہ ملک کو درپیش سنگین خطرات کا صرف چار افراد کو علم ہے، جن میں سابق وزیر اعظم، دو فوجی اور وہ خود شامل ہیں ۔

انہوں نے مزید کہا کہ سابق وزیر داخلہ چوہدری نثار کا یہ بھی کہنا ہے کہ ان سنگین خطرات کا موجودہ وزیر اعظم کو بھی علم نہیں۔

چیئرمین سینیٹ رضا ربانی نے وزیر داخلہ احسن اقبال کو ہدایت دی کہ وہ جمعے کو سابق وزیر داخلہ چوہدری نثار کے بیان پرایوان میں پالیسی بیان دیں۔