پاک افغان ٹریک ٹو مذاکرات میں اتفاق کیا گیا ہے کہ افغان مسئلے کا کوئی فوجی حل نہیں۔
مذاکرات کے اعلامیے میں کہا گیا ہے کہ پاکستان کا طالبان پر اثر و رسوخ نہیں، اسے کوئی ذمے داری نہیں لینی چاہیے۔
اعلامیے میں مزید کہا گیا ہے کہ چین اپنے مفادات کے تحت خطے میں مؤثر کردار ادا کر سکتا ہے، امن کے لیے طالبان کو ملنے والا پیکیج بہت اہم ہوگا۔
اعلامیے کے مطابق پاکستان اور افغانستان کے دو روزہ غیر رسمی مذاکرات اسلام آباد میں ہوئے۔
اعلامیے میں یہ بھی کہا گیا ہے کہ مذاکرات صرف افغانستان میں ہوں، کسی اور ملک میں نہ ہوں، امن تجاویز دونوں جانب سے پہلے تحریری طور پر بھیجی جائیں گی۔