| |
Home Page
منگل 27 ذوالحج 1438ھ 19 ستمبر 2017ء
September 14, 2017 | 01:08 pm
بلیو وہیل سے نمٹنے کے لیے فیس بک کی کوششیں

Blue Whale Game Facebook Takes A Stand Against Online Suicide Challenges

Blue Whale Game Facebook Takes A Stand Against Online Suicide Challenges

پاکستان سمیت پوری دنیا میں تیزی سے مشہور ہونے والا اسمارٹ فون گیم’ بلیو وہیل‘ سے نمٹنے کے لیے فیس بک میدان میں آگیا ہے۔

بلیو وہیل کے حوالے سےسماجی رابطوں کی ویب سائٹ فیس بک نے عملی اقدامات اٹھانے کا فیصلہ کیا ہے۔ یہ بلیو وہیل گیم کےخطرناک چیلنجز سے عوام کو خودکشی یا خود کو نقصان پہنچانے سے محفوظ رکھنے کے طریقوں کوفروغ دے گی۔

فیس بک سے ایسا مواد ہٹانے پر بھی کام کیا جائے گاجس میں خود کو یا کسی دوسرے کو نقصان پہنچانےسے متعلق چیلنج دیا جا رہا ہو۔

blue whale 01_l

فیس بک کے مطابق ان نئے اقدامات کے ذریعے نہ صرف لوگ خودکشی کے خیالات سے محفوظ رہ سکیں گے بلکہ وہ اپنے قریبی ساتھیوں کو بھی اس قسم کی صورتحال سے دو چار ہونے سے روک سکیں گے۔

اس مقصد کے لیے فیس بک ہیش ٹیگز اور مختلف فیس بک گروپس کو استعمال کرے گا جن کے ذریعے لوگوں کو بلیو وہیل سے بچائو کی آگاہی فراہم کی جائے گی۔

انٹرنیٹ پر تیزی سے مقبول ہونے والا گیم بلیو وہیل نہایت خطرناک چیلنجز پر مبنی ہے جس کا پہلا چیلنج ہی بلیڈ سے اپنی کلائی پر وہیل کی تصویر بنانا ہے۔ اس کے علاوہ یہ گیم صارف کو اپنی قابل اعتراض تصاویر بھی سوشل میڈیا پر اپ لوڈ کرنے کو کہتا ہے۔

پچاس چیلنجز پر مبنی اس کھیل کا آخری چیلنج خودکشی کرنا ہے۔ دنیا بھر میں اب تک درجنوں صارفین اس کھیل کو کھیلنے کے باعث موت کے منہ میں جا چکے ہیں۔