سعودی عرب: انٹرنیٹ کال پر پابندی ختم کرنے کا اعلان

سعودی عرب میں انٹرنیٹ صا رفین کے لیے خوش خبری ہے کہ سعودی حکومت نے انٹرنیٹ کے ذریعے کال کرنے پر پابندی اگلے ہفتے سے ختم کرنے کا اعلان کردیا۔

سعودی پریس ایجنسی کے مطابق یہ اعلان سعودی وزیر برائے مواصلات اور انفارمیشن ٹیکنالوجی عبداللہ السوا نے کیا ۔

ان کا کہنا تھا کہ صارفین کو ترجیح دینے کی پالیسی کو مدنظر رکھتے ہوئے اگلے ہفتے سے انٹرنیٹ کے ذریعے فون اور وڈیو کال کرنے پر عائدپابندی اٹھانے کا فیصلہ کیا گیا ہے ۔

اس حوالے سے سعودی حکام اور ٹیلی کام کمپنیاں مل کر کام کررہی ہیں ۔ 20 ستمبر سے یہ پابندی ختم ہوجائے گی ۔