خیبرپختونخوا: ڈینگی کے خلاف مہم ،بلدیاتی نمائندوں کی تربیت

پشاور سمیت خیبر پختونخوا میں ڈینگی وائرس کے ہاتھوں 25 افراد کے انتقال اور مرض کی روک تھام کے حوالے سے پشاور کی ضلعی انتظامیہ نے موثر مہم چلانے کے لیےبلدیاتی نمائندگان کو تربیت دینا شروع کردی ہے، جس کے بعد علماء کرام اور اساتذہ کو بھی تربیت دی جائےگی۔

ڈینگی مچھر کیسے پیداہوتا ہے؟ اس کے وار سے بچاؤکیسےممکن ہے؟ اور ڈینگی وائرس کاخاتمہ کیسے ہوسکتا ہے؟ اب یہ سب پشاورکے بلدیاتی نمائندگان بتائیں گے،جن کی تربیت پشاور کی ضلعی حکومت نے متعلقہ ماہرین کے ذر یعے شروع کردی ہے۔

ماہرین نے زیر تربیت کونسلرز کو بتایا کہ ڈینگی مچھربیس سے تیس ڈگری سینٹی گریڈ پر تیزی سے پرورش پاتا ہے اور اڑان بھی 4سومیٹر تک جا پہنچتی ہے، جبکہ ڈینگی مچھرسے بچاؤ صاف پانی کوڈھانپ کر رکھنے اور پانی کو جمع نہ کرنے سے ہی ممکن ہے۔

بلدیاتی نمائندگان کی تین روزہ تربیت کےبعد علماء کرام اور اساتذہ کو بھی تربیت دی جائےگی، جبکہ ساتھ ہی متاثرہ علاقوں میں اسپرے اور گھر گھرمہم کاسلسلہ بھی جاری رہےگا۔