| |
Home Page
ہفتہ 02 محرم الحرام 1439ھ 23 ستمبر 2017ء
September 14, 2017 | 02:58 pm
پاکستان، امریکااورافغانستان نے داعش کے خاتمے کا عزم کرلیا،آئی ایس پی آر

Us And Afghanistan Pledged To End Isis Ispr

Us And Afghanistan Pledged To End Isis Ispr

پاک فوج کے شعبہ تعلقات عامہ (آئی ایس پی آر) نے کہا ہے کہ پاکستان، امریکا اور افغانستان نے خطے سے داعش کے خاتمے کے عزم کا اظہار کیا ہے۔

آئی ایس پی آر کے مطابق افغانستان کے دارالحکومت کابل میں امریکا، پاکستان اور افغانستان کے سہ فریقی مذاکرات ہوئے ، جس میں ڈی جی ایم او میجر جنرل ساحر شمشاد مرزا کی قیادت میں پاکستان کے 6رکنی وفد نے شرکت کی۔

آئی ایس پی آر کے مطابق سہ فریقی مذاکرات میں تینوں فریقین نے خطے سے داعش کے خاتمے کے عزم کا اعادہ کیا اور فیصلہ کیا کہ داعش کا خاتمہ مزید تعاون اور مشترکہ کوششوں سے ہی ہوسکتا ہے۔

آئی ایس پی آرکا مزید کہنا ہے کہ مذاکرات کے دوران باہمی مفادات اور تحفظات پر گفتگو کی گئی جب کہ شرکا نے عزم کا اظہار کیا کہ دہشت گردی مشترکہ خطرہ ہے جس کے خلاف جنگ جاری رہے گی۔

پاک فوج کے شعبہ تعلقات عامہ کے مطابق پاکستان اور افغانستان کے درمیان دو طرفہ اجلاس بھی ہوا جس میں سرحد پار فائرنگ، انسداد دہشت گردی اور دونوں ممالک کا اپنے اپنے علاقوں میں آپریشن اور قیدیوں کے تبادلے پر غور بھی کیا گیا۔