ٹی وائٹنرزکسی بھی قسم کے کیمیکلز اور نقصان دہ اجزاء سے پاک ہونے کے باعث صحت کے لیے نقصان دہ نہیں ہیں۔
یہ وضاحت پاکستان ڈیری ایسوسی ایشن کے عہدیداروں نے سینیٹ کی قائمہ کمیٹی برائے سائنس اور ٹیکنالوجی کے رکن میاں محمد عتیق شیخ سے ملاقات کے دوران پیش کی۔
سینیٹ کی قائمہ کمیٹی برائے سائنس اور ٹیکنالوجی کے رکن سے پی ڈی اے کے عہدیداروں کی ملاقات کا مقصد ڈبوں میں بند ڈیری مصنوعات کے بار ے میں گزشتہ ایک سال سے پھیلائی جانے والی غلط فہمیوں کے بارے میں وضاحت پیش کرنا تھا۔
گزشتہ ہفتے قائمہ کمیٹی کے اجلاس میں غیر معیار ٹی وائٹنرز کی تیاری اور فروخت کے بارے میں تشویش کا اظہار کیا گیا تھا۔