جماعت اسلامی کا روہنگیا مسلمانوں کیلئے مظاہروں کا اعلان

جماعت اسلامی نے روہنگیا کے مسلمانوں سے اظہار یکجہتی کے لئے 22 ستمبر سے ملک بھر میں احتجاجی مظاہروں کا اعلان کیا ہے۔

امیر جماعت اسلامی سراج الحق کہتے ہیں کہ روہنگیا کے مسلمانوں پر مظالم ہورہے ہیں اور اقوام متحدہ خاموش ہے، انہوں نے گلا کیا کہ حکمران میانمار جانے کے بجائے امریکا جانے کو ترجیح دے رہے ہیں۔

کراچی میں جماعت اسلامی کے تحت اتحاد امت علما کنونشن کا انعقاد کیا گیا جس میں مختلف مکاتب فکر کے علماء نے شرکت کی۔

کنونشن سے خطاب کرتے ہوئے امیر جماعت اسلامی پاکستان سراج الحق کا کہنا تھا کہ حکمرانوں نے ملک کو توڑا اور کرپشن کو ترجیح دی۔

ان کا کہنا تھا کہ چیئرمین نیب کی تقرری کا اختیار وزیر اعظم اور اپوزیشن لیڈر کے پاس نہیں ہونا چاہیے۔