الیکشن کمیشن کیخلاف عدالت سے رجوع کروں گی، یاسمین راشد

این اے 120 میں ہونے والے ضمنی انتخاب کے نتائج کی آمد کے بعد ڈاکٹر یاسمین راشد نے الیکشن کمیشن کے خلاف عدالت سے رجوع کرنے کا اعلان کیا۔

میڈیا سے گفتگو میں انہوں نے کہا کہ وہ پہلے ہی کہہ چکی تھیں کہ وہ ہاریں یا جیتیں وہ الیکشن کمیشن کے خلاف عدالت سے ضرور رجوع کریں گی۔

انہوں نے کہا کہ وہ انتخاب کے نتائج پر کل گفتگو کریں گی اور آگے کے لائحہ عمل کا بھی اعلان کریں گی۔